Sugarramendiri
Elurmendi
Elurra barrunbez nik,
elurra soņean,
elurra egunez ta
elurra gabean...
Ez daukak ik elurrik
ire biyotzean!
Elurra otza dala
edozeņek daki,
txuriz apainduarren
bere soņa noski...
Ik ire soņan nai ez
elurrikan euki!
Elurra txoria da,
odola gorria;
gorri-gorrixka berriz
ire arpegia...
gorri, azal ta mami,
Sugarramendia!...
Ene Sugarramendi,
i aiz, i, mendia!...
ireganotz zetorrek
txiuka txoria;
i aizelako bere
lur maitagarria!
Iri erazten zaizkik
aur txikiak ere,
beren amaren kolko
ederraren bide...
Elurmendi lurrean
ez dik iņork maite!...
Iregana txoria,
ireganotz aurra...
neregana ttanttaka
Jaunaren agurra;
ala bai zadak bizkar
gaņeko elurra.
|