Birjiña Ama Mariari mayatz-illean
Insausti, Bonoso
Kantartea.
Goazen, kristabak, goazen
Birjiña Amagana,
Mayatz-lore ederrakin
Goazen beragana.
Kantaldiak.
Lorategi zeruko
Birjiña Mariya,
Lurrean Mayatz-illa
Zure iduriya.
Zure aurrera gera
Berriro etorri,
Zure anporapian
Nai genduke jarri.
Lur loratubak digu
Gogora ekartzen,
Birtutez dezula zuk
Zeruba edertzen.
Parerik ez dezula
Garbitasunean,
Liriyo ederrak diyo
Lurraren gañean.
Jaunaganako amorez
Zerala urtutzen,
Arros arantzadunak
Digu agertutzen.
Krabeliñ piñak berriz
Usai gozozkoak,
Beti gerala zure
Guztiz gozozkoak.
Lore mota guztiyen
Apaindura ederrak,
Zure iduriyak dira,
Ichura bakarrak.
Argatik dizkitzugu
Loriak eskeintzen,
Digutelako berak
Nor zeran agertzen.
¿Zerbait geiago, Ama,
Gugandik nai dezu?
Ar ditzazu biyotzak,
Zureak dituzu.
Graziyazko intz gozo
Zerukoarekin,
Bete ditzatzu, jantzi
Birtutearekin.
Jayo ditezen lore
Santidadezkoak,
Zerura aldatuko
Diran diñakoak.
Egiguzu orain lagun
Ama maitatiya,
Zure ondoan gero
Zeruban tokiya.
|