Nai nuen kantatu
(Garaztar batek)
Nai nuen kantatu,
Alegera partitu;
¿Bainan zer biotz mina
Ene baitan da piztu?
Ene biotza, nola,
Nola daite konsola?
¿Norat oa, untzia,
Norat utziz Frantzia?
¿Norat ola deramak
Orai nere bizia?
Ene biotza, nola, etc.
Bagoazi, tristeki,
Ameriketan kausi
Ustez gure gozoa:
¡Esperantza zoroa!
Ene biotza, nola, etc.
¿Zerek nau lilluratu,
Ola zerk enganatu?
Egiazko onak utzirik,
Itzala dut autatu.
Ene biotza, nola, etc.
Eskual-errian sortzen,
Ameriketan iltzen,
¡Ai! zer sorte dorpea
Orai dutan billatzen!
Ene biotza, nola, etc.
Eskual-erri maitea,
Erri paregabea,
Iltzea da neretzat
I gabe bizitzea.
Ene biotza, nola, etc.
Adios, ama maite,
Galtzen zaitut zu ere:
Ni zuganik urrunduz,
¿Zenbat biziko zare?
Ene biotza, nola, etc.
Egin dutan botua
Baldin betetzen bada,
Laster itzuliko naiz,
Ama ona, zuregana.
¿Ene mina, bertzela
Nola daite konsola?
|