Zenbat...
Ezkurra
1
Aberri eder bati so egin dezagun:
Begi amultsu batez ikus othoi, lagun!
Eskual herria hor da, batto eta ehun.
Zenbat den beharretan ezin asma egun
2
Zenbat aita et'ama, zenbat anaitasun;
Zenbat lan, gogoeta, errumes, gauzadun,
Zenbat erhokeria eta zuzentasun;
Zenbat handikeria, denak 'ttipitasun...
3
Zenbat kantu ta nigar, guziz ixiltasun...
Zenbat xori ihesi ohantzetik urrun:
Zenbat Ģikus artinoģ ez ditugu entzun!
Zenbat iratze-mendi, lur gorria nehun...
4
Zenbat herra, aihergo, nihor ez hobendun!
Zenbat elhe gaitzikor, bakarretan legun!
Zenbat begi lorios zenbat bihotz ilhun!
Zenbat ama munduan bai eta amaizun!
5
Zenbat haurren arima, lore, garbitasun!
Zenbat goiz oren goxoz othe gira zordun!
Zenbat Eskual-herrian Axular, Etxahun?
Zenbat arrotz jarririk osoki erdaldun!
6
Geroa nora doan ez zaiku ezagun:
Zenbat hil eta bizi, pagano, fededun,
Beharko othe dira bihar, etzi, egun?
Zenbatizanen gira egoki Eskualdun?
