Artzai-negarra
Erratzu
Artzaia menditik bera
Oinka dator,
Begiak negar-malkotan!
Biotza legor!
"¡Ai nere mendi maiteak!
Atzo ain garbi:
Gaur burni bidez bularra
zikin, erdibi!
"¡Ai nere mendi gaxoak
Len ain euskaldun:
Orain erdal arnaseaz
Kalpar beltz, illun!
"¡Ai au negarra! Euskal-mendiak
burni bidez zulatuak;
Eta biotzak.. ¡mendi-antzera
gaiztakeriz zaurituak!"
* * *
Mendi-gañetik illunagoa
lañoa:
¡Artzai begitik beroagoa
malkoa!
|