Soldado

Etcheberry, Gilbert

 1

 Hamar bat ilabethe nizala soldado

 Oraino hemezortzi, orduan akabo...

 Anartean agian zauku laburtuko;

 Zeren bertzenez dugu zentzua galduko.

 2

 Bai, etchetik joan nintzan bihotza ilhunik

 Burua aphal eta begiak bustirik:

 Etchekoen uzteak pena egiten dik;

 Bainan penarik gabe ez duk salbatzerik...

 3

 Egina izan zautan bezala galdea,

 Pariserat lehenik hartu dut bidea:

 Min hoberenean domaia ez dea

 Bi urte eta erdi funts hortan galtzea?

 4

 Lehen egunak dira puchka bat gachtoak,

 Gradodunak badira omor tcharrekoak:

 Heien manuak dira bethi berdintsuak;

 Luzara balazkike gure astokoak!

 5

 Achuantek gituzte usu atakatzen;

 Sekulan egun batez baditut aurkitzen,

 Tinkaldi bat segidan diotet emaiten,

 Nun ez zautan artean kolera erortzen...

 6

 Bainan badira ere denbora gochoak:

 Aintzindari horiek ez dira abilak:

 Tresnak igorri-eta zilo batetarat,

 Bagoatzi jartzerat leizar baten perat...

 7

 Gu hola ikustea bai segur da pena:

 Oro zoin alferrago, deusentzat fazoina!

 Baginu bat bederak pinta arno bana,

 Hobea lizateke gu guzien zaina!

 8

 Huntan geldituko naiz baitut gaurko aski,

 Etchekoer igorriz milaka goraintzi;

 Adichkide lagunak ez ditut ahantzi;

 Jainko Jaunak ditzala azkarrik atchiki.