Gora ele euskera
Erauskin, Patxi
1
Itz neurtuak jartzeko
etorri da era
odeitutzen degula
Ele Euskera;
opa bear diogu
zortzayon eskerra,
bestela gu-beraren
semeak ez gera,
askok nai jestera
lurraren azpira,
baņan guk ostera
zorrotz egustera,
indartuko da gerok
bai nor bagera.
2
Goiko Jaunari nago
eskari jarria,
arren eman dedilla
buruz argia,
neronek ez daukat
gogoa urria,
zabaldunai nungo-eta
zein geran berria,
geure sorterria
da Euskal-erria,
izkuntza garbia
txit oroigarria,
goiti bizi euskera
maitagarria.
3
Euskera dala euskaldu
guztioren ama,
askok ezin sinistu
au tamalena,
aur gatxi-txiak dijoaz
ugaz amangana
argatik datoirkigu
negar garri dana
seme ona dana
bildu sendien-gana,
egiteko lana
Ele alde dena,
au da jakintsu batek
esan ziguna.
4
Euskaldunak jayo giņan
euskaldun azi,
euskal Ele maitea
baita ikasi,
zertan bear diogu
galdutzera utzi,
errukirik ba-degu
zintzoro egutsi,
gazteak onla ezi
euskera erakutzi,
egingo dala jetxi
ez dezagun etxi
euskera ilko-balitz
guk ez nai bizi.
5
Gure euskera maite
zintzo ta gozoa,
izkuntza dan-etatik
aurrenekoa;
argaitik da Ele au
denan gaņekoa
beronen egile zan
Aita Jaungoikoa;
zinistaitekoa
bera-da naikoa,
promienekoa,
au jakitekoa
Tubal'ek Armeniatik
sortutakoa.
6
Euskera piztea-da
balzuentzat miņa,
ori ezagututa
negon auntziņa,
Jainkoak jarritako
Ele garbiena,
ez dakit zertan duten
orrelako griņa,
dantza bai mingaņa
saya alegiņa,
au galdu eziņa
zer gauza jakiņa,
ludi guztian dago
zaņak egiņa.
7
Aita Larramendi ta Erro
seme Andoaingoak,
lenengo euskeraren
alde minduak,
Astarloa Bizkaya'ko
seme Durangoak,
euskera auzien alde
lana eginduak,
aurkariak nungoak
Ebroaz angoak
egiz emengoak,
zorroizenengoak,
aik bezela sayatu
gu oraingoak
8
Ebroez auztikoak
zortzi arerio,
euskera zapaldu ta
berak nai iyo,
Mariana, Mariantz, Tragedia
Nikolas, Antonio,
Martin, Belasco, Ledesma,
Armesto, Osorio,
Larramendik dio
jo zuek nunaitio,
jatorri zardio,
ŋeuskerak zer dio?
gezurrak egiari
beti zor dio.
9
Bere ama ukatzea
zer tamalgarria,
besterena Baitego
arrigarria,
buruz dagoalako
jantzimen urria
zaitu dezagun Ele
Jainkoak jarria,
bestela arria
degu etorria,
egin oju garbia
guztiz pozgarria,
gora beti euskera
zintzo argia.
10
Jainkoak zaintutzeko
denak jarri zizkigun
euskaldunak euskera
jaso dezagun
garbiagorik Elerik
ez da sortu iņun,
batzuek esker txarra
naiz eman gau ta egun,
an, emen edo nun
aitortu dezagun,
gerala euskaldun
gaitzala ezagun
etsayak gabiltzala
Ponzion lagun.
11
Ikasi obe ludiko
iskuntz eledanak,
sinistu egia dala
entzun zeutenak,
jarriak diralako
denon Aita Jaunak,
sort erri bakoitzari
baita ez berdiņak
zaitu ark emanak,
izanik onenak,
ukatu ez leizkenak
beraren almenak,
lenengo euskera maite
guk euskaldunak.
12
Askok ez du ezagutzen
mami ta ezurrik,
ingi onetan ez det
jartzen gezurrik
amak ez du maiteko
seme erazurrik
ez asitzea obe
orrelako aurrik,
gelditu arriturik
au sinistaturik,
euskeran aurkarik
dabiltza alperrik,
Jaungoikoari besteri
ez dio zorrik.
13
Tentetu belarriak
argitu begiak,
gezurrak azpira ta
gora egiak,
euskera izartzeko
ez izan nagiak,
emana degulako
Jaungoiko geuriak
dirala igarriak,
atsegingarriak,
emanaz berriak
olerki neurriak
Zaldibitar Erauskin
errotariak.
|