Marti-zozo kantaria
Enbeita, Balendin
Negu ankerrak billostzen ditu
zelaiak eta baratzak,
soņeko barik jartzen ditula
aran, baso ta zugatzak;
baiņa martiko zozo kantari
zoli bizkorren abotsak
berbiztu eta alaitzen ditu
uda zalien biotzak.
Kukuak kuku dagianeko,
marti zozoa kantari,
udabarriko bizitza barri
agertu nairik danori.
Berbizkundien asierako
deia dala esan legi;
egorik bako zozo-listoak
baiņo zigurra da ori.
Aitona eta amona zarrak
negu gorrian bildurrez,
marti-zozoen abestiakaz
gozoz eiten dabe ames,
diņoelarik zozo bizkorroi
abestuten asi zaitez;
marti-zozoen lagun diranak
negu zaliak ez direz.
Marti-zozotxu piku gorria,
zure abesak entzunik,
baserri, uri, mendi ta zelai
daukazuz pozea beterik.
Zeure betiko txorrotxioa,
ez dogu gura besterik
zu bizi zaren artian ez dau
kanpo txorien bearrik.