Betiko uda
Elizondo, Jose
Zeru ederra alai baten antzean
Mendi ta ibarrak daude apaindurik
Argiyen argiz kiskaldu bearrean
Baleude bezela zutariturik; (I)
Ardi zaitzen artzaia egalean
Kantu ta irrintzika joztaturik
Eta bazerri zarren zukaldean
Arte adarra zutan gorriturik.
Zoriontzu, gizona leikean aña,
Nekazaria, burni gogorrakin,
Lantzen ari da lur-amaren gaña
Borroka biziyan zoi zatiyekin;
Ezkua pizkorr, geldirik mingaña
Izkildurik iditai okerrakin,
Lepo makurka, sendo ankazaña,
Erretzen dala iguzki garrekin.
Alden da udaberri loretzua
Ereinte mardulak ditula utzi,
Aberazturik lur emanditzuna
Arorik onenera da irichi
Urrotazunen bide minkaitzua
Ugaritazunakin digu ichi,
Beraz icharopen atzegintzua
Maite badegu, ez dezagun etzi.
Uda eldu da, lurraren eztiak
Lertu dira emanditzak ezkeintzen,
¿Ara baratzak ederr, ugariak,
Pruituben samaz adarrak okertzen?
¿Ara erlatzen erle langilliak?
¿Ara zugaitzan sagarrak gorritzen?
¿Ara choriak pichiyez jantziak
Pirrpirradaka kintal choratzen?
¿Begira nola zugazti galanta
Ageri dan agitz kerizpetzua?
¿Entzun, entzun errekachuen kanta,
Iturburutik ibairañokua?
Baita ere ostro chapala munka
Darabillen aize burnadachua;
Sortitzaren asperenak eunka
Ta Jaunaren arnaz maitaritzua?
Aizeak datzan likurta gozuak
Belardietatik jaikitzen danak,
Ega bizian dijoan usuak,
Gabazko intza goix urtutzen danak
Printza zumingarriez ornituak,
Ichaz baga legunki lertzen danak
Zillarrezko bisutzez putzituak.
Maite dituzte Egillaren lanak
Ta udako oro ugaritzuak.
Gariburuak onez gorriturik
Eguzkiaren gurdi biribilla
Zartalderantza doa iraganik.
Zeru-ichazoko mugaren billa;
Lazterr ichazpean ezkutataurik
Lagako du Nortea argiz illa
Ta gabari keriz beltzak utzirik
Joango da Egoi bidean gure ongilla.
Eguzkiak igez egin dunean
Irten dira izan diztiatzuak,
Goiko jaunaren bakaulki oñean
Mintzatu zale daude berritzuak,
Beren ondora eraman nayean
Kristotarren gogo zorigaitzuak
Lurr latzari lagata ondorean
Atzegin ditezen ara jazuak.
¿Ene zorigaitza, gogo erbala
Sendotzen ez bazait ara igotzeko?
¿Baldin banaiz egipenez makala
Yaunaren baratza jorratutzeko?
¿Zeruko uda ikuzten detala
Artzen banau Luzbel'ek negurako?
Ez bedi, arrien, gertatu orrela,
Errukirik bada gizunentzako.
Nik nai det, Jauna, zuganara juan
Betikotazuna ezagutzeko,
Aingeruekin batera zeruan
Sortitzaren ezkarrak kantatzeko,
Bizmen aragikorra illdakuan
Lokarri gabetanik bizitzeko,
Uda oparitzu azkenbakuan
Zaut edertazunez gozatzeko.