¿Bai?
Echegaray, Karmelo
¿Ikusten al-dezu mur-mur egiñaz
Doan iturriya;
Soroak bustirik, lore-tartean
Dijoan ibaiya;
Bildots churichoak, beeka gaisoak
Zelai zabaletan;
Anchume chikiyak pozez saltoka
Larre ta arkaitzetan?
¿Ikusten dituzu mendi goitsuak
Lañoen tartean,
Egazti politak, ezkutaturik
Arbol-ostopean;
Arrano goitsua, mendiyak baño
Oraindik gorago?...
¿Bai diyozu?... beraz ikusten dezu
Nik baño geyago.