Bakarrik! (Nere adiskide maite Franzisko Lopez eta Alen jauna-ri)
Echegaray, Karmelo
Mundutik iges, bide
Bazterrera noa,
Nonbait arkitu nairik
Atseden gozoa,
Jend' artean alferrik
Billatutakoa,
Arkitu gabe baizik
Atsegiń eroa.
Triste dago Zerua
Dena goibeldurik:
Eguzkia gorde da
Odeiz estalirik:
Lur igarrak ez digu
Azaltzen galarik,
Ez lore ta ez osto,
Ez kantu gozorik.
Ala, nere barrena
Det nik begiratzen,
Biotzean osoro
Zentzuak gordetzen:
Malkoak-isuariaz
Tristuran gozatzen,
Jaunarekiń, bakarrik,
Itz gabe, mintzatzen.
|