Eskintza
Goizko izar disditsu zeran
goi-esker argiz apaiña,
Karmengo Ama, agurtzen zaitut
¡Zu neure argi baziña!
Gogo guztien onuragarri
agertu nai naz liraiña
Onetsi naizu, ene irakurlen
izan nadin atsegiña.
Baso txoritxu abeslariak
mendi batetik bestera
zugatz-aziak zelan daroiez
langille bizkor antzera;
eusko-lurrean zorionaren
azi deuna ereitera
aurkestuko da KARMENGO ARGIA
illero pozik lanera.
Sendi bakoitza biurtu daiten
ekandu deunen kabia
bide zuzena ziur izanik
gure euskera garbia,
baso ta uri ibilliko naz
garbi iragarten egia;
abegi onez artu, ba, arren,
gora daroan argia.