Dabid'en 69'garren eresia
Eder bekizu, Jainko, ni azkatzea;
Jauna, zatoz bizkor niri laguntzera.
Lotsa gorriz beteak bediz
Bizia kendu nai daustienak.
Beioaz atzera, ta lotsaz estali,
Nire zori txarrez pozten diranak.
Urrindu beitez kezka utsean,
Niri, Ba! Ba! diņostenak.
Ta poz aundiz alaitu Zugan
Zure billa dabiltzan guztiak;
Ta esan beti: Gora Jaungoikoa!
Zuregan babesa nai dabenak.
Ni, barriz, gaixo ta txiro naz-ta,
Oi, Jainko, lagun zakidaz!
Ene laguntza ta azkatzaille zaite:
Jauna, ez egizu, arren, luzatu.