Christe, qui, splendor et dies (Kristo, dizdira ta egun)
Kristo, dizdira ta egun:
Zeu gau illunaren argi,
Zeu argi guztien zuzi,
Zeu zoriontsuen sari.
Otoi, gure Errege Santu,
zaindu gaizuz gau onetan;
Zugan atseden arturik,
begoz gorputzak baketan.
Begiak lo diran arte
begoz biotzak Zure zai;
esku altsuz emon babes
maite zaituen zintzoai.
Eroan maitasun-bidez,
Kristo, zaindari samurra,
Zuk odolez erosiok;
menpetuz etsai maltzurra.
O Errege biotz-bera,
gora Zu zeru-lurretan
Aita ta Gogoarekin
Gizaldiz gizaldietan. Amen.
|