Atende domine (Jauna, adi gaitzatzu)
Jauna, adi gaitzatzu ta errukitu
Oben egin baitizugu.
Zuganontz, Jauna, negarrez bustia
Jasotzen degu gure aurpegia:
Entzun, oi Kristo, geren eskaria.
Aitaren eskuin, etxe-lenarria,
Zeruko ate ta bide garbia,
Garbitu gure oben-loikeria.
Gogo onez arren! Jaun maite-gorena,
Entzun ezazu gure dei-auena;
Barka gozoki gure erru-obena.
Aitor dizugu gure txarkeria,
Damuz agertzen oben estalia;
Ai! errukitu, Salbatzaille eztia.
Zu errugabe katez uzkaldua,
Gizonengatik gurutzeratua,
Zaindu erri au, zuk bein askatua.