Gelatxoa
Bidaguren, A.
Ba dot gelatxo bat txukuna,
iradu bako soinu eztia,
asarre bako itzen kabia,
ene zulotxo txiki txukuna.
Leiotik ba datorki ozena
aizearen deadar bizia,
eurien arteko eguzkia,
zure gorenen margo gardena.
Bertan dodaz nik ninikoenak:
Alperkeriaren aitzakiak,
ene zoroaldien zaldiak,
zoroago direnen poemak.
Bertan uxatzen dodaz nik penak,
iru-lau liburu irikiak.
Nire zulotxo kutun txikiak
txori kunez bete ditu ormak.
|