AMETSA

Zuhaitzak maitekiro, dar-dar, ixilki

sartu ziren nire gela barnean,

euria gogor ari zuen sukaldean,

ortzadarra besarkatuz samurki

lurramak hitz egin zidan eztiki:

«har itzak argia beltz bihurtzean

goroldi eta kimetzak magalpean

ta eramaitzak izar-kaira emeki».

Ez nuen zuhaitzik bota behar izan.

Ez nuen ontzi-salbaririk eraiki

idaztitzarretako Noe-ren gisan.

Laino maskarak agurtuz korteski

izan nintzen naturaren elizan

erromes eta erretore, aiseki.

lurramarri maitekiro dar-dar kezkati...

© G. Arroyo