Musikoa argi orratzak

                   zartatu du

eta zaurituaren garrasia

irten da kitarra hartatik

                   ahots garratz

bat airean dantzan

hasi da, musika

zipriztinak eszenatokira

erortzen diren

                   bitartean

Soinua eta kea

nahasturik zainetatik

gora eta gora igotzean,

areto grisatua

tenplu bihurtu da,

baina musikoa argi

orratzak hil du

eta denok izan

dugu haren hilotza

argi guztiak piztean.

MUSIKOEI: Kant-ek idatzi:

                      to be is to do

                      Sartre-k zuzendu:

                      to do is to be

                      Frank Sinatra-k Beraz

                      Doo bee doo bee doo

                      (J. Merlino)

© G. Arroyo