KALEIDOSKOPIOA

Barraskiloz betetako taxian,

kolorezko gantxoak erdi urtuta

aulkia estaltzen duen oihalean.

Kanpoko iluntasunean tronpetak sutan,

airean hegaz ezpain gorriak.

Kolorezko gantxoz betetako taxian,

barraskiloak erdi urtuta

aulkia estaltzen duten ezpain gorrietan.

Kanpoko iluntasunean oihalak sutan,

airean hegaz tronpetak.

Oihalez estalitako ezpain gorrietan,

kanpoko iluntasuna erdi urtuta.

Airea barraskiloz beteta

aulkian tronpetak dituen taxian.

Kolorezko gantxoak sutan, hegaz.

salvador dali-ri, errealitatearen salbatzaileari

© G. Arroyo