NARKIS
Ja-jai,
goiz abil alai!
Billoxik noruntz ua, mutil?
Altza-peko iturri gardenak
bere txirulak jotzen yotzak!
Sugar utsetan berein pipil!
Ja-jai,
goiz abil alai!
Lamin-batza yagok uretan?
Goxeko axe ozkirrijak
dantzan yarabiltzak lilijak!
Zenbat ispillu zidarretan!
Ja-jai,
goiz abil alai!
Ur garbijan eure begijok,
ta lorak eure niñi-barnan!
Narkis, jausi barik errekan
soñoi argijegija baitok!
Ja-jai,
goiz abil alai!
Iturri-xirulak otsetan!
Begijotan zer daukak, mutil?
Muño gañetan berein pipil,
lorarik ederrena uretan!
Ja-jai,
goiz abil alai!
(Urkiaga'tar Estepan «Lauaxeta», 1935)