L I T E R A T U R   A L D I Z K A R I E N
G O R D A I L U A
 

 
 

                   - Orrialde nagusira itzuli
                   - Xaguxarra aldizkaria
                   - Ale honen aurkibidea

                   - Ale honi buruzkoak (azalaren irudia eta fitxa)

Aurreko artikulua— Xaguxarra-2 (1981) —Hurrengo artikulua




 

 

Eder bati

 

Jon Mirande

 

Beraz, Eder, ez zera

Etorri deikunera

   Nahiz otoitz egin nik.

Hits ordea ez nago:

Zuretzako gehiago

   Ez dut maitasunik.

 

Iruditzen zitzaidan

Zeudela zure baitan

   Atse denak — atso

Gaurgero, neska gazte

Eskua dut emazte,

   Eutsiko zait zintzo.

 

Andere bihotz aizun

Damutuko ez zaizun

   Ni utziz, nork daki?

Bai orduan alperrik:

Ez dizuket eskerrik,

   Eskua dut aski.

 

Andere begi urdin,

Zu joanik ere berdin

   Bai pozik naizela!

Nerau neronen jabe,

Besteen beharrik gabe

   Jainko bat bezela.

 

50.12.18

 



Literatur Aldizkarien Gordailua Susa argitaletxearen egitasmoa da.