L I T E R A T U R   A L D I Z K A R I E N
G O R D A I L U A
 

 
 

                   - Orrialde nagusira itzuli
                   - Vladimir aldizkaria
                   - Ale honen aurkibidea

                   - Ale honi buruzkoak (azalaren irudia eta fitxa)

Aurreko artikulua— Vladimir. 3. alea (1998-urtarrila) —Hurrengo artikulua




 

 

Militantzia

 

Neke puskak biltzen izan naiz,

bilera, kale, taberna,

paper, pankarta, spray,

oinazearen tiroei txiri eginez hala ere,

neurri egokiko elkartasun txertoa zainetaratzen.

 

Berean dirau, hala ere, kristal hotz,

telebistarako isuri abailzale lurrintsuak.

Ez dute sekula jai egiten gure egileek.

 

Ederra da ilusio neketsu hau,

eskubide, askatasun, utopia,

aupa lagun, elkar gaitezen.

Maite dugu gure biluztasun nahiari

eman diogun janzkera.

 

Baina zein da hitzen balioa

iritzi estrategikoen merkatuan?

Eta, iraultza irauliz,

zer egin barrunbeetako orroa burges lazgarri hauekin?

Ez al dituzue, lagunok, entzuten?

Ez al dituzue zeuenak aditzen?

Ala bekatuaren beldur ezkutatzen dituzue?

 

Ez dut nekearen elkartasun ederrean sinesten.

Oinazea da otoitz bakarra erlijio honetan.

Ez dago inork nahi ez duena bezain egia handirik.

 



Literatur Aldizkarien Gordailua Susa argitaletxearen egitasmoa da.