L I T E R A T U R   A L D I Z K A R I E N
G O R D A I L U A
 

 
 

                   - Orrialde nagusira itzuli
                   - Txortan aldizkaria
                   - Ale honen aurkibidea

                   - Ale honi buruzkoak (azalaren irudia eta fitxa)

Aurreko artikulua— Txortan-2 (1984-uda) —Hurrengo artikulua




 

 

Felipe

 

Zaude lasai Philip Marlowe!!

Entziklopedia saltzaile egoskorrak

aspaldi alde egin zuen

jakinduria lau tomotan zeramala.

Ez zintuen inoiz Floridako flora eta faunak urduritu.

Badira hilabeteak holandar erratua

Las Vegasen dagoela Jerry Lewisen showan.

Bai, tranbietako piratak geratzen dira.

Ikusgarriak omen dira haien abordaiak.

Eta kale zentrikoetan, egun argiz,

lau atso birjina bortxatu zituen portorrikeñoa.

San Frantzizko ez da lehen zena.

Beltzak Txinatownaren jabe egin dira,

jakinaren gainean zaude.

Homosexualek maitasuna egiten dute

umeek eskoletatik ateratzen direnean,

trafiko guardia mutuen begiradapean.

"Arriskutsua da ez perseberatzea"

esaten diozu Elvis Costellori.

Honek ere ez daki nor den

detektibe onen zaintzailea.

 



Literatur Aldizkarien Gordailua Susa argitaletxearen egitasmoa da.