L I T E R A T U R   A L D I Z K A R I E N
G O R D A I L U A
 

 
 

                   - Orrialde nagusira itzuli
                   - Susa aldizkaria
                   - Ale honen aurkibidea

                   - Ale honi buruzkoak (azalaren irudia eta fitxa)

Aurreko artikulua— Susa-26 (1990-uztaila) —Hurrengo artikulua




 

 

Gizurdearen negarra

 

Jexux Basterretxea

 

Esku beltzenak

edo beltzen eskuak

kotoi zuriena

biltzen dute.

 

 

Arpa joleak

hatzak urratuta ditu.

Erreginak

lorik egin ezin duen

gau honetan ixiltzen bada,

bihar, urkatua izanen da.

 

 

Sugea, sugea

narraztia zarelako

aldatu behar azala?

edo?

Sugea, sugea

azalez aldatzen duzulako

izan behar narraztia?

 

 

Hilerrian negar batean

alargun gaztea.

Hilobi ertzean

azaldu da,

lur bigunaren gainean

marrubi landare goxoa.

 

 

                 Money speaks for money

                                     Billy Bragg

 

Txakurrak

itzalari

ere zaunka.

Diruak ordea

diruari soilik so.

 



Literatur Aldizkarien Gordailua Susa argitaletxearen egitasmoa da.