L I T E R A T U R   A L D I Z K A R I E N
G O R D A I L U A
 

 
 

                   - Orrialde nagusira itzuli
                   - Susa aldizkaria
                   - Ale honen aurkibidea

                   - Ale honi buruzkoak (azalaren irudia eta fitxa)

Aurreko artikulua— Susa-17 (1986-apirila) —Hurrengo artikulua




 

 

Atzerriratuaren gutunetik

 

Allepuntako Ezra-k

 

Gizon argiak zetozen itsasotik

         Eta mugatik

Eta beraiekin —hirekin bereziki—

Bat gentozen denean

Deus ez beraientzat itsasoa ala mendiak zeharkatzea

Deus gurekin egoteko baldin bazen

Eta orotaz iharduten genuen ezkutukorik eta malenkurarik gabe

Eta eguna hil aurretik banandu egin ginen

         Izarrak edo euria bezala

Eta ni urtearen amaieran —artean ibiltari—

Ifar haizearen ebakipean

         Baina guzti honek amaiera dauka

         Ez dugu berriro topo egiterik

Ekialdeko menditara itzuli nintzen

         Buru-zuri

Gero desegin egin zen taldea

Eta galdetzen badidak nola sentitzen dudan hi joatea

         Udaberria bukatu eta loreak jauzten diren legez

         Nahasian zurrunbilo bizi batean

Zertarako hitzegin? —hitzegiteak ez dauka amaierarik—

Bihotz kontuak ez dira sekula amaitzen

 



Literatur Aldizkarien Gordailua Susa argitaletxearen egitasmoa da.