—Hitz neurtuak—

Maripi Solbes

Pena kentzeko

zu

negarra eragiteko

zu

utopiaz

biok

negarretan

bakarrik

Horrenbeste samina

maite zaitudalako

zergatik ez zara neregana etortzen.

Muxu txiki bat eman egidazu

eta orduan

nere irriparra

nere parra

nere bizia

zuretzat.

Nahi diat

hiri muxu bat eman

iztarren barrenean

buru barrenean

hire azkeneko hitz barrenean.

Nahi diat

osorik

zalantzarik gabe

buru haundi edo buru txiki

duzun arpegian

muxu bat.

Athais gaur Kontxara inguratu da

eta han hilkutxa bat aurkitu

eta ezin izandu du haria bilatu

negarrez hasi da

eta gero zirkulazioko ertzaina bati galdetu dio

nor ote zen hilkutxan zegoena

harek katu bat

zapatilak gorriak zituena zela esan dio.

Athais'ek bere garizuma urratsak hartu ditu

eta ez du mendirako hildoa hartu

berak aspaldian zekien iratziak primabera aldera uzten dituen

ale horizkak, ez dutela biderik sortzen

nahiago zuen Destam'en esamesak kontutan eduki

hauek bide basati bat marrazten zutela

loreak bai, baina lortutako bide igeltseratuan

eta horretarako gauez bideratu behar zituen bere urratsak.

Itsasoak ere galde egin zuen Athais'ek

norbidean har zezakeen bakea ala

urrutirago oraindik saiatu behar zituen bere saioak

handik akaso arrain batek ekar zezaiokeenean

erantzunik mardulago.

Baina Athais bitra begira zegoen

eta oraindik ilundu ez dan orduan

arbol ondarrak kerizpe okertatu batzu erakusten zioten

koloreak aldatzen dituen orduak zein ezbeharrizana den.