Kredo

Migel Anjel Asturias

euskaratzailea: Igotz

Siñisten dot Askatasuna, Amerika'ren Ama,

Itxaso gezak lurrean sortu ebazana,

eta Bolibar, aren seme, Gure jauna

Benezuela'n jaioa, espaiñarren agintepean

gorriak ikusia, gogor artu ta esetsia,

Txinborazo gaiñean ildakotzat joa,

Kolonbia'ren otsez barriro biztu izan zana,

bere eskuakaz Betikoa ikutu

ta jainkoaren alboan geldi-azorik dagoana.

Ez gu epaitu, Bolibar, azken-egun aurretik,

erriagaz bat datozan gizonen alkartasunean

siñisten dogu-ta; erriak bakar-bakarrik

askatzen ditu gizonak; gerra eriotzaraiño,

eta parkapenik bage, jauntxo guztieri.

Siñisten dogu giz-urenen biztea

eta betiko bizitza, Askatzaille,

Zu langoak ezpaitira ilten

begiak itxi ta ernai geratu baiño!