Loregazko olerkari

Egieder

Barre egin eutsen zitalez

loregazko olerkiari.

Ume gauza eritxoen

usaiñen erregiñari.

Gizona aundi eta gogor

arantzari igeska ikusi

neban zurikeri billa

biotzaren pozgarri.

Gizona, estu, biotz miñez

usaindun baten ederrez,

zoraturik zoramenez

ondoren joian su-garrez.

Lora garbiak ixillik

dagoz arantza gaiñean

eder. Arantzak azpitik

dauz ta maitasuna goian.

Irri, ezjakiñen barre,

ta lorak apaltasunez

gizadiari eskeintzen

jakez euren izatez.

Gizon sendoa jausi

zan. Zauriz datza oean.

Gaisoa osasun billa

dabil osagille etxean.

Jakituri erantzunez

lora maiteak dirautso

«Orratz gaiñean dakartsut

nire indarra, osatzeko».

Gizonen barre-irriak

ta loren apaltasuna,

biak bat eginda sortu

da aren osasun barria.