Zarauz'ko aintzin ikaslei

Olabeaga'tar Iñaki

Zuen txartela atzo artuta,

emen nauzute aurrian,

nere esker ona agertu naian,

gure Euskera maitian.

Aspalditik ezautzen dezute,

zer daramaten barruan,

txikitatikan neri entzun da,

egi utsa agirian:

Kristau ta Euskaldun izateko,

zuen bizitza guztian.

Alegiñak egin genituen,

Salletar Anai guztiak,

bai lengo zarrak eta gazteak,

eta oraingo maixuak.

Zuen buruak ondo argitu,

kemenez bete biotzak;

griña okerrak zuzendu eta

erakutsi on bideak.

Aurrera beti bide oietan

aintziñeko ikasleak.

Danen aurrian aitortu bear,

zer zeraten zarauztarrak,

Euskal-erri orok jakin dezan,

zer neurriz zeraten onak.

Urte auetan ager zerate,

esker oneko jatorrak.

Ostopo danak oinperatuta,

lanari estu lotuak,

gizon leialak, biotz aundiko

ta guztiz esku zabalak.