Ilduraz

(erderatik)

José Hierro

euskaratzailea: Gaztelu

Berriro ere itzali dira

argitzen ninduten izarrak.

Berriro ere lur, zeru, ur

gañean eraka itzalak.

Ba nabil aztamuka zure

arimara zeramaten bidez.

Orma garaia zartarazteko

eztator orain goiznabarra.

Etzizkizuten ongi irakas izenak,

aipatzen zenitun gauz aienak.

Etzizkizuten ongi irakas izenak,

eta nik orain ezin det ezer egin.

Nik orain (atzindu baitziran

bideak) ezin det ezer egin.

«Maite» diñozu, «beti» diñozu.

Bañan eztakizkitzu aien izenak.

Etzizkizuten ongi irakas

gauz oro mugatzen zituzten izenak.

Gura zinduten, maitea jaun da jabe

zala esan zizuten.

Gorputza ebaste az esan zizuten,

arima ebatsiz aurretik.

«Maite» diñozu, «oroi» diñozu,

(ixildu arren, ba diñozu).

Etzizkizuten ongi irakas

zuk aipatzen zenitun gauzen izenak.

Zuk eztakizu izotza izotz danik,

eta sugarra, sugar.

Norbaiten ametsa izan ziñan,

bañan amesle ark etzun ametsik egin.

Amesle gabeko ametsa,

arima gorputz gabe izatea da.

Itxas urrunaren durundia,

bañan urik gabeko itxasoa.

Bazterrik gabeko doñua,

ibildari, ez txirula ez ari.

«Maite diñozu», «beti»; orrela

ituli zatoz zure lurrera.

Bañan zure lur ori ezta izan,

onezkero gerorik eztan bezela.

Eta nola sar, igaro, zu irabaz,

billustasun arrigarri ortan.

Zurekin jarrai beti,

baldin gogora ezpazindez bezela.

Obe da ez pentsatu, jarrai

urak garamatzin lekura.