L I T E R A T U R   A L D I Z K A R I E N
G O R D A I L U A
 

 
 

                   - Literatur Aldizkarien Gordailua
                   - Olerti aldizkaria
                   - Ale honen aurkibidea

                   - Ale honi buruzkoak (azalaren irudia eta fitxa)

Aurreko artikulua— Olerti 1961 IV (1961-urria/abendua) —Hurrengo artikulua




 

 

Maite-sugar bizi

(Donibane Gurutzeko'ren «Llama de Amor» euskaraz)

 

Donibane Gurutzeko

euskaratzailea: Gaztelu

 

           1

Barne-muñ erdi erdian

samurki zauri nuzun

maite-sugar bizi leuna!

Orain zuzen jo bainazu,

urra, ala nai izanez,

alkartze ezti onen euna.

 

           2

Oi erresomin guri!

oi zauri atseginkor!

oi esku biguñ, ukitze samur,

zerutar usaiz zorrak

ordaindu eta, illaz,

erio bizi didazu biur!

 

           3

Oi suzko argi-ontzi,

erlantz oietan zentzuen

leize beltz illunak arrigarri,

Maitea lagunkide,

dizdiz eta beroz

orain dagoze eder dirdari!

 

           4

Kolko ontan bakarrik

aope zagozan orrek

laztanki, emaro, daragidazu,

arnas egiñik gozaro,

ta onez aseta, eztitan,

gurien maitemintzen bainazu

 



Literatur Aldizkarien Gordailua Susa argitaletxearen egitasmoa da.