Zeruko biziaz

Fray Luis de Leon'en

«De la vida del cielo» euskeraz.

Fray Luis de Leon

euskaratzailea: Gaztelu

             1

GOIALDE irazalle,

ez galdaz izotzez ez digarken

zoriontasun belaze,

bazkategi gizen,

betiko poz-iturburu garden.

             2

Illedi zuri-gorri

lepo aratzez lurriñez lore,

larrean darabilki

abail-makillik gabe

Artzai Onak igan artalde.

             3

Eta doala, zorunez

darraizkon ardiak, bizigarri

badute larrosa-lorez:

lorea ain da bizi,

gero ta janarren ernemin beti.

             4

Gero mendi-mendian,

goialderuntz, ur bizietara

badaramatzi, bertan

Artzai ta bazka Bera

ta zoriona dan mai betera,

             5

Eguerdian, ortzeko

gingara danean eguzki goria,

artaldeak, abaro,

lo-kuluxka geldia

egin garaiez, ots dagi zolia.

             6

Txirulak derauntsa bizi,

t'illezkor ezti barnera dario

zillar-urreaz gaindi,

sugarrez arganago araziz,

neurge on artaraño.

             7

Ura bai ots! Nigana

txintaren bat ere baletorke

ta zorabioz Zugana

egin al banezake,

alkar osoro baturik, Maite!

             8

Banekike nun duzun

bazkalondoan loxusta goxoa;

leze ontatik urrun,

zure ardien albora

ninteke, or-ona ibilge zangoa.