L I T E R A T U R   A L D I Z K A R I E N
G O R D A I L U A
 

 
 

                   - Literatur Aldizkarien Gordailua
                   - Euzko-Gogoa aldizkaria
                   - Ale honen aurkibidea

                   - Ale honi buruzkoak (azalaren irudia eta fitxa)

Aurreko artikulua— Euzko-Gogoa
(1956 gko. ilbeltza-otsaila) —Hurrengo artikulua




 

 

—Itz Neurtuz—

 

Zure ezpainak iduri

 

Eusebio Erkiaga

 

Xistu egin dit udalenak,

xistu zee, eme, guri.

Txirintxoi zuri artean

arroxa gorri,

zure ezpaiñak iduri.

 

Ostoak kurika ari dira

adar mutturretan,

kolore billa dabiltz

belarretan.

berde-miñak jo bai-ditu erraietan.

 

Zelaien esnatu-bearra

negu-nagiak aterarik!

Berriz dator mendi-bertsolaria

—kuku soiñu berdin—

zuaitz zaarren atsegin.

 

Emen iritzar barrutian,

ta nere kaleko loretegian

erne dagoz tulipanak;

eta txirintxoi txuri-ubel artean

lirain, jori,

millaka arroxa gorri,

zure ezpain beroak iduri...!

 

Bilbon. 1956-an.

 



Literatur Aldizkarien Gordailua Susa argitaletxearen egitasmoa da.