—Olerti—

Abendats

Egarin

Abendats.

Eusko abendaren arnats.

Bizi-gunaren erretenetan

gure iraupenaren alatz.

Etxe-barne bakoitzeko su ta laratz.

Arnats, alatz eta laratz.

Abendats.

Ikuseziña aizen-arren,

Aitor'en

odolekuok amak aurra lez somatzen

augu sabelaren sabel,

barren barren,

zain ta mami tauparazten.

Erpin urrunak baño gorago,

toles barrunak baño bertago,

gurekin augu, Nunai Auguna,

geu geran baño geurekin'ago.

Abendats.

Gizadiaren sortze garbitik

atorkun Azi aberats.

Yainko-Ereintzaren barats

Bizkai-menditan baño re geure

erraietan augu menatz,

betirako ipar-orratz.

Azi, menatz eta barats.

Abendats.

Izkutapen bakar ori,

bakar bezin eder ta aundi.

Gu gaituk ire mirari,

eunkiz eunki garailari!

Abendats.

Beira zenbat burni-belats

sarraski-billa gure gain egun

goiz ta arnats.

Abendats. Abendats.

Landak euzki-euria anbat

bear diagu ire Ats.

Bizi-gunaren erretenetan

eutsi eiguk, yarraik alatz.

Abendats. Abendats.