—Olerti—

Negu-miñean

Zaitegi

Muño magul gorritan atsaldeak apal,

  bere ega otzikarak egin ditu zabal.

  Zugatzak larrugorriz adar eta azal

  txakur-amets bakanak dirudite yaukal.

Dana ixillik datza etorkizunen zai,

  ibaiean izotza ta elurra garai.

  goiko mendiak bera eiztaria zagai

  etortzen da basurde-ametsetan aznai.

Ibarretan barrena ez da zuzmur-otsik,

  txori bakarti batek ez du txiomiñik,

  bazterretan ez dager euli ta eltxorik,

  biziaren geznari ez da burrundarik.

Neguminpean dugu Aberri osoa,

  gogorik ez urritu euskaldun zintzoa!

  Liliz, txoriz ta zituz beterik geroa,

  badatorke euskaldun zindoen aroa.