Azilla-Gabonilla. 11-12 garren Zenbakiak)'>


L I T E R A T U R   A L D I Z K A R I E N
G O R D A I L U A
 

 
 

                   - Literatur Aldizkarien Gordailua
                   - Euzko-Gogoa aldizkaria
                   - Ale honen aurkibidea

                   - Ale honi buruzkoak (azalaren irudia eta fitxa)

Aurreko artikulua— Euzko Gogoa (I'go urtea. 1950 gko
Azilla-Gabonilla. 11-12 garren Zenbakiak) —Hurrengo artikulua




 

 

—Olerti—

 

Festa Belenen

 

Mitxelena

 

Ostarte-txulotik xelatan dagon

izar bakar arek ara zer dion:

— «Zerua ustu da gaur, lurra zerutu,

»Jainkoa gizondu..., dana aldrebestu».

Ta inbiri zitalak bertan artuta,

buruz-bera amilduz lañotan il da.

 

      Baña ez da atertu Belenen festa.

Jesus dala iguzki, an egun bai'ta.

Milla ta berreun ta bi aingerutxo

dantza-sokan ari dira alaikiro.

Ango txilibitu ta tuntunero...!

Jesus bera parrez zoratzen dago.

 

      Aurreskua astean San Grabielek,

zortziko au kanta diote bestek,

txalo-otsa arrotuz ortzirañoxe,

lenoko izar arek adituko ote:

«Zeru osoa gaur gera Belenen,

«Jaioberriari festak egiten.

«Aupa, zeru-lurrak, josta gaitezen!»

 

1950

 



Literatur Aldizkarien Gordailua Susa argitaletxearen egitasmoa da.