Adierazkortasunaren munduan

 
Patio zahar zikin bat. Neskato bi ta bost mutiko, txakurtxo batekin olgetan. Atso bat, atso barrendari nonzebarri begiluze bat.

        —Ederto olgetan dozue gero!

        —Bai.

        —Nongoak zaree zuok, ba? Bertokoak?

        —Bai.

        —Zuk, neskato, zelan dozu izena, ba?

        —Estitxu.

        —Eta zuk, mutiko?

        —Txutxi.

        —Eta zuok biok?

        —Ni Mentxu naz ta hau Txetxu.

        —Eta honek, mutiko polit irribarretsu honek, zelan dau izena?

        —Hori Txabi da.

        —Eta hori?

        —Txema.

        —Eta ha?

        —Txuma.

        —Eta txakurtxo lumazto olgetari honek zelan dau izena?

        —Tomas.

© Mikel Zarate