Pinpilinpauxa
Udaberriak negua uxa,
agertu zaigu pinpilinpauxa.
Pinpilin pinpirin
pinpirina,
txintxilin txintxirin
txipirina.
Ortzadar bizi, begi atsegin,
hegaldari den lore erregin.
Pinpilin pinpirin
pinpirina,
txintxilin txintxirin
txipirina.
Berrehun izen dituen adur
haize leunaren eztitan samur.
Pinpilin pinpirin
pinpirina,
txintxilin txintxirin
txipirina.
Hauts biziaren poz higidura,
lore maiteminduen lilura.
Pinpilin pinpirin
pinpirina,
txintxilin txintxirin
txipirina.
Dantzari lirain, pitxi erromes,
uzta onaren eskeintza promes.
Pinpilin pinpirin
pinpirina,
txintxilin txintxirin
txipirina.
Pinpilinpauxa isil ta bigun,
olerkarien betiko lagun.
Pinpilin pinpirin
pinpirina,
txintxilin txintxirin
txipirina. |
© Mikel Zarate