... eta arrazoiaren indar zuzena

indarraren arrazoi makurrez

okertu zutelako,

eta arrazoiaren indar mailukaria

indarraren arrazoi mutuz

isildu zutelako,

eta arrazoiaren indar distiratsua

indarraren arrazoi beltzez

ilundu zutelako,

eta arrazoiaren indar bizia

indarraren arrazoi hilgarriz

hil zutelako,

indarraren arrazoi desgizatua

amorru leherkorrez karrikan zehar,

arrazoiaren indar deuzeztatuaren

hilobiko fenixaren odol hautsetan.