Lehenengo euskal liburua

                        (Linguae vasconum primitiae, 1545)

                        idatzi zuen Etxepareren ohorez.

Aintzinako mende hilen ezina

ezerezaren huts hotzean ilun,

odolgorri baten iraupen grina

Eiheralarreko herrian itun.

Iraupen grinaren ahalegina

etorriaren bultz berrian haurdun,

lehen emaitzaren dei irrintzina

egunsentiko poz argitan txukun.

Dei irrintzinaren muin ozendura

eztizko ziztadaz zazpi haizetan,

sormenaren barne eragindura

erdiminez hegats urdurietan,

eta munduz mundu dantzan plazetan

gure Euskal Herriko literatura.