Beste askok bezala...

 

Bete nahi nuke nire gogoa,

bete gogoaren sabel birjina,

bete sabelaren oihuzko grina,

bete grinaren bultz gorri eroa,

 

bete bultz horren huts sakon osoa,

bete hutsaren min bizi gordina,

bete minaren muin larri irakina,

bete muinaren muin betirakoa,

 

bete muinaren muin barneko nia,

niaren nitasun gogoa bete,

leku ta aldiaren muga gainditu,

 

betikotasunez bete bizia,

gutasun betean osoro maite,

betearen betez betiko nitu.

 

 

© Mikel Zarate

 

 

"Bizipenen bultzadaz" liburua

"Mikel Zarate - Lan guztiak" orrialde nagusia