Biziminez

 

Elurrez baserria

ta elurrez hiria,

nire begietan

paisaje berria.

 

Eguzkiaren garra

elurraren negarra,

nire begietan

paisaje zaharra.

 

Negarraren lurruna

lainoaren iluna,

ta gauaren mamuak

hartu du eguna.

 

Iluna eta hotza,

larridura zorrotza,

gauaren mamuak

hartu dit bihotza.

 

Mamu madarikatu!

Sits lirdinga gogaitu!

Nire biziminak

suntsituko zaitu.

 

 

© Mikel Zarate

 

 

"Bizipenen bultzadaz" liburua

"Mikel Zarate - Lan guztiak" orrialde nagusia