ZERGATIK JARDUN NEGARREZ Anai, zeruan zaude Juan onaren besoetan. Hara, negar malko bat ez dizut nik begietan.
Apaiz bidean zintzo eta leial zinen arauez. Jaunak eraman zaitu. Zergatik jardun negarrez?
Bihotzak, bi begien lotsaz, ezkutu isilean Ozta.ozta dihardu min hau egoste lanean.
Ez bekit gaindu. Bego. Sinismenaren argiak baretu bekizkio intziri sakon larriak.
Altzo bigun gozoan zaude honezkero, anai. Zu bezela ni ere jarri naitean gaur alai.
Zer ardura dio ba Heriok jota hausteak horla urratzen badira gure Herriaren bideak?
Aldapa luze bat igo beharra daukagu. Nork daki gaina hartzera helduko garenik gu?
ZERGATIK JARDUN NEGARREZ |