MARI
Peli Markiegi

1934
armiarma.eus, 2016

 

Isla biguna

muin menaren ezaugarri

Jainko-etxean ez dela ongi

Apain-parpailo baitaki.

 

Begiak apal

oharkabean zabalik

barne-sakonen ikusezina

Haien beltzean da ageri.

 

Arpegia itzal

ez haserrez ezta larriz

senean zuhur danarena soil.

Urratsa lirain, ez arin.

 

Haren zentzunak

ez lurrezko jaus-biderik

oro barne hitzez igurtziz doa. ...

Holakoxea zen Mari.

 

MARI
Peli Markiegi

1934
armiarma.eus, 2016