MENDIAN GORA Mendian gora, bidetxiorra, ezker-eskuin arantzak pozez ta urduri bidean gora badoa neska pertxenta. Ile gorrixkak airean jolas, bera da hura amets jolasa Oi! Haren amets sorginak, eta... Geroko... Zer da? Oi hankan, malko gorri bat, begian gainez egin ez egin dardarka bestea hauspoak hustu arteko intziri luze bakarra... Marraskiloak hala gorde ohi zerbait ikutuz adarra. Neskatx gaixoa! Zerua goibel, mendia... goian, aldatza neketsua da... Urretxindorra —bi malko ditu begitzat— negar hariaz soineko beltza josten ari da arantzan.
MENDIAN GORA |