POST TENEBRAS SPERO LUCEM VII
Ama, hemen gaituzu, Hemen gera denak.
Ama, Ama laztana, Ahizpa anitz maiteak!
Zeinen gauza ederra den Famili osua Honela ikusitzea Batean bildua! Dirudigu txitoak Ilunabarrean Biribiltzen diranak Kolken ondorean.
Atozte, atozte nere Alaba maiteak, Hain denbora luzean Ikusi gabeak; Badakit nahiz frantsesak Eginagatikan, Zeraztela euskaldunak Bihotz-bihotztikan.
Atzerrira ere ausartaz Baginen ezkondu, Eskual umeak gera Ta hala izan nahi degu; Hagaitikan Frantzira Joan baginan ere, Han ere gure eskuaran Mintzatutzen gere.
Bai, Ama, Pausutikan Maule ta harontzago, Zere ta gere hizkuntza Bizirikan dago, Ta baduzu han ere Ume anitz leialek Zere oroitzez ahatzeren Nihoiz ez direnek.
Eskualdunek Frantzien Gera beti eskaldun, Zeren lege ta hizkuntza Galdu ez ditugun, Ta honela Espainie ta Frantzia batian Juntatuak arkitzen Dire Eskual Hirian.
Izan zaitezte ongi Arkituak hemen, Egun hobean ezin Etor zindezteken; Aspaldian desio Hau ere banuen, Azkenean konplitu Det gaur hil baino lehen.
Etsi nuen, umeak, Hil behar nuela Sekulan egun hauxe Etorriko ez zela; Gaur hemen ikusirik Danak bat-batean Pozez zoratutzeko Nago ia trantzean. Laztan zaitezte bada Bata ta bestea, Zelebra zagun denok Gaurko bakidea, Ta eska zaiogun gure Jaun Jaungoikoari Zoriona diola Euskal Herriari.
Hemen nazu berriro, Ama txit maitia, Ekarririk nerekin Zure herri guztia. Aitu duten bezela Hemengo berria, Datoz zuri eman nahirik Ongi etorria.
Non da Ama Euskera? non da Ama Euskera? Ama maitea, non zera? Pozkidaz gatoz zure semeak Gaur hemen zu ikustera. Aitorrek jakinarazi digu Zorioneko etorrera, Eta guztiok lasterka gatoz, Ama zu laztandutzera. Ama Euskera, Ama maitea, Hemen gaituzu gaur denak, Zure malkoak txukatutzera Arintzera zure penak; Aurrerontz pake txit nahigarrian Biziko gera anai denak, Gordeaz garbi lege zahar eder Antzinako euskaldunenak.
Ai, ume maite-maite Bihotz nerekuak, Atozte, atozte beti Honela elkartuak, Denak zerazte adar Sustrai batekuak, Ta bizi behazute Honela batuak.
Eta zein dira haurtxo Txiki polit hoek? Zeinek ekarri ditu Honera oinez, zeinek? Atozte, gaixo hoiek, Atozte Amagana, Eman dizaizutean Musu haundi bana.
Ama, hau dezu nere Semetxo maitea Hau dezu Itz-jostaldien Euskal-batzarrea; Donostiarrak maite Dute honen bandera, Zeinetan agertzen dan Bizi bedi Euskera. Hau da, Ama, nire seme Iruñen jaioa, Hau da Naparroako Euskal Elkargoa, Eta anai batasuna Egiten dihoa, Zabalduaz bandera Jainko ta Fueroa.
Hemen deutsu, Ama, neure Semetxo maitia, Hau dozu galai ta erne Geure Euskal-Erria; Orain dala hiru urte Jaioa Bilboon, anai txiki bat ere Badau Lekeition.
Ezkon berrixa nago Ta ez det neuk umerik, Binon ez nas luzaro Egongo gaberik; Neure senarrak nahi du Seme euskalduna, Neu izan nadin beti Neure ahizpen laguna.
Oroitzen zera, Ama, Ene seme honetaz, Aspaldian ikusi Ez dezun umeaz? Lapurdiko menditan Nigandik sortua, Gaur gizon bat eginik Dago ez ezautua. Aragorrin jaioa, Hendaiko hurbilean, Abbadie jaun jakintsun Haren jauregian, Honixe zor diogu Ongi zori onian Ume hau hazitzea Gure Eskual Hirian. Hogoita hamar urte Hoetan han dabil Lan eginikan beti Eskuara ez dedin hil, Eta urte oro agerten Da hiriko pestetan, Buruan boneta ta Makila eskuan, Behin Saran, gero Urruñan Edo Donepalen, Beste batean berriz Eskual pestan Maulen. Noizbait ere etorri da Alde hoetara, Eskuara zaleari Sari ematera. Ta honegaz laudatua, Ama, ekusi zinan, Irunen ta Elizondon Ta azkena Markinan.
Poz haundiaz, Lapurdi, Zaitut gaur ikusten, Napar ta Zuberoa Zure ahizpakin hemen; Eta oso atsegin det Hemen arkitzean Zure seme galai hau Gaur gure artean. Esaiozute biok Abbadie jaun harri, Zeinen dan neretzako Bera laudagarri; Zenbat egin duena Hark neregatikan Estimatzen diotan Bihotz-bihotztikan. Eta zuek, nere haur Kutun ta maitiak, Nere zahartasunaren Kontsolagarriak, Jarrai zaitezte honela Fedez beti aurrera Gordeaz gure lege Maiteak ta Euskera.
Gure Amak arrazoi du, Mutilak ez etsi! Aurrera, esperantzarik Ez sekulan utzi; Gaur guretzat denbora Bada gau iluna Etorriko da noizbait Ondoren eguna.
Bai, nere anai maiteak Goazen beti aurrera Jaso zagun Zerura Antzinako Euskera, Eta bere alabantzan Pozkidaz eta alai Kanta zagun zortziko Eder bat
Bai, bai-bai. Bizi bedi Euskera, Hizkuntz maitatsua, Zeruan Jaunak berak Guretzat sortua; Euskaldunentzat dohai Guztiz eztitsua, Hizkuntz denen artean Paregabekua.
Bizi bedi Euskera Beti Euskal Herrian; Jarri dezagun hizkuntz Guztien gainian; Gorde dezagun garbi Denok hil artian, Euskaldunak gerala Ahaztu ez gaitian.
POST TENEBRAS SPERO LUCEM |