POST TENEBRAS SPERO LUCEM V
(Lau hoek batean).
Ama!!
Bedeinka, Jauna, Zure ahaltsutasuna, Argitu duena gaur Honelako eguna, Jaio-azirik gudatik Etsai batasuna, Negar saminetatik Zoriontasuna.
Hemen gaitu guztiak, Ama txit maitea, Jakinik bakartasun Berorren tristea, Gatoz berorren penak Kontsolatutzera, Ta oraindainoko kulpak Gaurtik garbitzera.
Iloba gazte honek Digu emon berrixa, Azpaldixan dagola Gaiso eta erixa, Ta entzun dogun bezela Erdu gara honara Jausi nahiean danak Bere besotara.
Geure Ama ametia Hemen gagos denak Arintuteko oro Senti deusun penak; Hemen daukezu zere Alabetxo Araua Bere ahizpe guziez Gaur oro batua.
Parka nazazu baldin Noizpatt banatua Ibili banaz zutaz Ama mattatua, Hemen naukazu orain Oso damutua, Izan nahirik euskaldun Zure dinakua.
Akaba ditez orain, Ama, zeuzkan penak; Hemen arkitzen gera Bere ondoan denak, Eta ingurutua Bere ilobatxoaz Aurreruntz biziko da Pozkida osoaz.
Ume maite nereak, Horla nahi det bizi, Zuen artean beti Nahi nintzake ikusi Ez dakizute zuek Zeinen dan tristea Ama batentzat beti Bakar arkitzea, Zenbait negar egin det Aspaldi honetan, Zenbait malko ikusi da Nere begietan, Zabiltztela jakinik, Ai! zuen artean Nahaspil hilgarri eta Guda gogorrean.
Amatxo, utzi bezazki Oroitz hain tristiak, Pentsatuaz bakarrik Gauza pozgarriak Ez gaitu hemen ikusten Denak bat eginik, Noizbaitko etsaigo txarrak Oso ta oro ahazturik?
Bai, Donosti polit ta Maitea, ikusten det Ta ikusi ta ere ia Ezin sinistu det; Bainan oraindik ere Ez zerate denak Gaur nere ondora etorri Pozez zeraztenak.
Ezetz!
Zer dio, Ama? Danak ez gera hemen?
Ez, ez, gaiso nereak.... Ez zerate oroitzen…?
Ez nas erorten…
Ez ta neu ere…
Ta ni ere ez.
Esan bezaigu, Ama, Ez gaitza euki kezkez…
Hemen non dituzute, Ai, desoroituak! Esan, non dituzute, Ahizpa Franzikuak?
Ai bai!
Hala da, ene!
Ez ginan oroitzen.
Ordea Ama bat ez da Hain errez ahaztutzen! Uste dezute haiek, Nahiz Frantzira ezkondu Nereak ez dirala?
Ez, ez, arrazoi du! Ta ez naiz batere harritzen Nahitasun honetzaz, Bada Ama bat ez da inoiz Ahaztutzen umetzaz.
Zuek bezela haiek Dirade nereak, Bai, zuek bezelaxe Euskaldun umeak, Izanik danak berdin Munduan neretzat Zazpi alaba maite Eta zazpiak bat. Hargatik nahi zinduzket Ikusi baturik, Senideak bezela Denak maitaturik Eta poz handiena Gaurko egunean Arkitzea litzake Zazpien artean.
Oraintxe bertan, Ama, Joango naiz ni bila Eta desio hori Konplitu dedila, Bada seguru nago, Hauxe jakitean, Etorriko dirala Hirurak airean.
Zoaz, bai, zoaz laster, Kutuntxo maitea Ia betetzen dezun Kutizi nerea; Zoaz arin, ta arin Atozia honera Bada zai gaude hemen Zure etorrera.
Berehalaxe hemen naiz, Amatxo nerea, Adio, aurki arte.
Adio maitea.
Oraintxen, Ama Euskera Ni ere banua, Bada uzten zaitut hemen Ongi lagundua; Txit laster emango det Berriz jira honera Gaur zelebra dezagun Umeen bilera.
Zoaz Jainkoarekin, Aitor, ta atoz bizi, Bada gaur nere ondoan Nahi zaitut ikusi.
POST TENEBRAS SPERO LUCEM |