POST TENEBRAS SPERO LUCEM III
Atoz, atoz, gaztea Atozkigu honera.
Zer nahi dit, Jauna; zertan Serbi neza bera?
Atoz aurrera, Ama Gajo bat dago hemen, Penaz zoraturikan, Oinazeaz hiltzen, Bere ume tristeaz Zerbait jakin nahirik…
Zer dezakiot esan Ume hoietzaz nik?
Atoz zu beragana, Hitz egin zaiozu, Horrekin ere atsegin Emango diozu.
Atoz, bai, atoz arren.
Andrea, zer nahi dit?
Atoz, ikus nahi zaitut.
Agindu bezadit.
Zer dakust, Jaun haundia! Donosti maitea!
Ama, ama laztana! Ama on nerea!
Arkite ustekabe ta Zorionekoa, Sinale asmegoki Dontsu ta onekoa Zuk dakartzu segurki Berri zerukoa, Biziko dala Ama Euskal Herrikoa!
Laztandu nazu berriz Donosti maitea, Laztandu mila aldiz Haur kutun nerea, Bada ez naute asetzen Zure maitagoak Aspaldian hainbeste Eresitakoak. Atoz, eseri zaite Nere ondoan, hemen Bada ikusi ta ere Ia ez det sinisten. Ondoan zauzkatala Hain gazte ta hain eder Nola ikusten zindudan Lehen hainbeste bider. Atoz, maite-maitea, Kontsolagarria, Zuk gaur bihurtzen nazu Berriro bizia. Gaur bizi nahi det, Jauna, Hil nahi banuen lehen Baina hoen artean Noizbait bezelaxen.
Nere bihotzeko Ama kutun ta maitea, Ez nuen asko uste Hemen arkitzea. Nolatan etorri da Bakarrik onera, Zerk, berriz, ekarri du Hiltzeko unera?
Ai, gaixoa, ezagun da Zerala gaztea, Ez dakizula zer den Penak izatea, Zeranean horrela Gauz hoitzaz harritzen, Jakinik aspaldi han Nola bizi naizen.
Hainbeste, nere Ama, Sufritu du beraz?
Zuk uste ahal izan baina Gehiago ere askozaz. Inork ezin lezake Pentsatu munduan Ama baten bihotzak Zer sufritzen duan Ikusirik umeen Eskergetasuna, Beren alde egitea Edo hoztasuna.
Inoiz ordea, Ama Pentsatu ere du, Diogun nahitasuna Geniola galdu?
Ai, bada ez banuen Pentsatu sekulan, Sufritu dedan aina Sufrituko ez nuan! Zalantz hori ez dakizu Nere ume gaixoa Zeinen zorrotza den ta Zein heriozkoa. Beragatik egon naiz Hiltzeko zorian, Ta hilko nitzan segurki, Eman ez bazian Behar nuen indarra Horlako trantzian Zuek uzteko penak Guda zorrotzian.
Halare, Ama gajoa, Berriro arkitzen det Eta bakarrik inoiz Gaurtik utziko ez det, Ordainduaz honela Lehengo utziera, Eta erakutsiaz Nere maitaera, Ni izango nau aurreruntz Beti aldamenean, Nik kontsolatuko det Triste dagoenean Gure zortziko zaharrak Alai kantatuaz Eta berorren penak Horla gozatuaz. Noiz edo noiz izango Baldin baluke min Ni izango nau erizai, Ni ere sendakin, Eta edukiko det Bere gaitz-ondoan Kontu zarrak kontari Beti far gozoan. Nik lagunduko diot Bere beharretan, Nik alegratuko det Tristetasunetan, Ahaztuarazirik oso Oroitz beltz guztiak Eta gogorazirik Farkoi eta alaiak. Modu honetan laster Sendatuko da oso Jarririk berehala Lehen bezin airoso, Ta alde batera utzirik Pena ta tristurak Berrituko ditugu Lehengo gure ohiturak.
Bai, bai, nere maitea.
Ama bihotz-bera!
Halare oraindik ere Euskalduna zera!
Zer bada?
Beldur nintzan Nere ez jakinan Beti erdaldun artean Erdalduntu zinan.
Ez, ez, hori, behin ere.... Hemen jaio nitzan, Euskalduna izandu naiz Ta hala nahi det izan. Ez naiz sekula ahaztuko Amatxo neria, Zor dizkadala izate Ta hizkuntz hau guzia; Nere seme argidotar Okendo hilezkorra, Idiakez ta Isasi, Etxaide pizkorra, Eta beste askorekin Jiron ta Aranburu, Euskaldunak zirala Nahiz erdaldun buru; Euskaldunak bai ere Ta euskerazaleak Hizkun ta izkribalari Eder ta maiteak, Lariz apaiz jaun hura, Donostiar fina, Ta Aita Meager, gizon Zintzo ta jakina. Eta nola ahaztuko naiz Bilintx triste hartzaz? Nola kantari eder Ezti-gozo hargaz? Euskaltzaleagandik Oso estimatua, Bere anai guziaz Beti maitatua, Berari zor diozkat Zenbait kanta gozo, Irakurtzen diranak Atseginez oso. Ta zer: izanda gero Horlako semeak, Nahi du ahaztutzea euskera Ta euskaldun legeak? Ez, ez, hori behin ere! Hemen jaio nintzan Euskaldun izandu naiz Ta hala nahi det izan!
Atoz, atoz nigana Donosti maitea, Laztandu nazu berriz Kutuntxo nerea: Honela zu ikusita Nago zoraturik, Ta erotzeko zorian Hizketan ariturik. Atoz, laztandu nazu Mila aldiz, umia, Gaur bihurtzen didazu Berriro bizia.
Lurreko ama guztien Artean onena, Zorion zagun gaurko Gure zoramena; Bai, amatxo nerea Hemendik aurrera, Amik dohatsuena Berorri izango da, Hemen bilduko dizkat Laster seme-alabak, Ahazturikan haserre Madarikatuak, Eta bat eginikan Guziak gaurtandik, Biziko gera aurreruntz Pakean ta pozik.
Ai, kutuntxo nerea, Hala izan dedila, Bai, bai, zoaz korrika Senideen bila, Ia arkitzen dituzun Eta etortzen diran, Zu bezelaxe denak Laztandu ditzadan!
Adio, bada Ama, Bekar berriz musu, Eta nere etorreraz Ez bedila estutu; Salto bian banoa Ta hemen naiz berehala.... Jaunak bere laguntza Eman dizaidala!
POST TENEBRAS SPERO LUCEM |