LARRAMENDIRI, LORA BAT Ur zelaietan doian ontziak ez dau bidean Lorratzik eiten nundik joan zan igarteko; Ez arranoak, airetan zehar dabilenean, Ezaugarririk gure begiak ikusteko.
Beti betiko hil jakun iaz, lehengo egunean, Bera legetxe aurten jaio da amaitzeko; Urteak bere doaz geriza doian antzean Ezer ezera danak guztiak bihurtzeko.
Jaio danakaz baina hau ez da beti gertetan, Umantek iraun ohi dabe haitzok legez zuti; Euren gomuta mundua mundu ez da ahazketan,
Euren egintzak direalako beti bizi. ¡O! Larramendi, zarealako umant benetan, Zure gloriai lora hau nahi deutset nik egotzi.
LARRAMENDIRI, LORA BAT |