LARRAMENDIKO MANUEL EUSKARA-EROSLEA Haren jaiotzako bigarren ehunaldian
De manu mortis liberabo eos, de morte rédimam eos: ero mors tua o mors. Osee; cap. XIII, v. 14.
Gure lehenengo gurasoai Zer hizkuntz eman zitzaien Gauza gaitza da... ezinezkoa Garbiro behintzat bilatzen: Gaurko mintzoak, horregatika Noiz ezkeroztik datozen, Babel oinean jaiota, ala Geroztik sortu diraden, Zaila da baina ikusiko da Denborarekin azaltzen.
Artea hontan, hizkera jasa Hartan zein diran sortuak Diraudenetan ezagutzeko Bide bi daude gertuak; Mintzaeraren bereiztasuna Eta osotasuna, batuak, Gure amari, al dagozkio? Euskaldun bihotzekoak! Proga dakidan beharrik ez det Dio, Tubalen mintzoak.
Nere gogoa, zale eta nahia Ez dihoazte Euskera Zeinen zaharra dan agertu eta Hitz-lehen ta buru jartzera, Hori lehenago eginik dago Egonagatika behera. Esaten garbi, eta horretaz Hemen ez noa hastera Berririk ezer, ez nuke esain ta Esanak hitz-berritzera.
Tubal-jatorri Euskaradunak Luzaro gero, bizitu Ziran bakarrik, eta hermugak Zituzten oso zabaldu. Zori gaiztoa! halako batez, Ziraden lagun-berritu, Eta gureek, berrizaleak Eraman eta, progatu Nahi izan zuten beste hizkera Eta... egin zuten bekatu.
Herri bakoitzen anima dala, Bizi-mailea eta bixka Beren hizkuntza, esana dago Gaur baino lehenagotika. Tubal-semeak beraz berenaz Aspertzen diranetika Han dihoazte Euskerarekin Herria hil ta amilka Infernuetan beren buruak Ezin inondik sarrika.
Etsai zirika, burni eta su Artean Euskal Herria Beti murriztzen heldu zan baina Jaunak ez zuen aitzia. Inolaz ere, oso nahi, zeren?... Zalako bere maitia, Horregatika mendi hauetan Idukitu du gordia Iritsi arte erostzailea Bidalitzeko tartia.
Gure aitonen errugarrizko Antsiaz kupi-kupirik Egin da Jauna, aukeratutzen Kantauritarren artetik Hasi zan gero bidalitzeko Igerle, zalez beterik Hara Axular, hara... ordea Zenbat diraden nik dakit Euskaltzaletan irakinduak Bata bestean ondotik?
Hurbildu ziran denborak eta Etor-lekuko aldeak Hasi ziraden zabal eginda Moldatzen bidagileak: Egunak ere, bete dira ba, Eta, Euskaldun jendeak Pozez txoratzen daude zergatik Ase dizkien zaleak Leizaurrek eman dioen Berdinbageko semeak.
Zorioneko Onentzaroa Zure gauean argia Ikusi zuen gure gidari Danak, ta gure zoria. Ongi etorri, luzaro bizi, Manuel, txikiz-haundia, Ekusten dezu inguraturik Zauzkien Euskal Herria? Ezin diteke gure burutik Zure jaiotza ahaztia.
Larramendiko jator argia Ikusi eta Jainkoa, Horretarako eskaturika Bere izate osoa, Abiatu zan apaintzen oso Bere barrengo asmoa Egin ahal zezan, eta zergatik Badakizute? Zeroa! Euskera zaitzen agertu dedin Jaungoikoaren besoa.
Euskal eroste ona hasi du Harrigarrizko erakin, Sarri Ezinak garaitu-az, ta Hiru mintz-tegia-rekin Gorputza atzera osatu dio Arima jasoarekin Eraio eta zegon tokitik Aiten huskeriarekin: Beste honenbeste, pentsatu ere nork, Nork esan eta nork egin.
Bere erakusmen berri-ontarra Zabaltzen zenbait bidali Erakusle ta gizon jakintsu Inguruetan badauzki, Kardaberaz ta Mendiburu ta... Danak kontatzen ni ari? Euskal-berri on zabaltzaileak Ere azaldu dira bi Bata Bizkaiko Aita Nobia Bestea Azkoitiar Patxi.
Euskara zaharra erosi da ta Orduan, beraz, zabaldu, Bere bidezko mugetaraino Behinik behin egin behar du. Erdarak bertan ito nahi luke, Baldin inondik ahal balu: Euskaldun-buru ausarditsuak Berriz, zanpaka azkendu, Baina Euskalehen eramana da Ugari beti, edertsu.
Berriz-bizkortze osasungarri Honi erantzun nahi eta Onkeriol ta aitortzaileak Ugari datoz lasterka: Mogel anaiak, Astarloagaz Txurio, Goietxe ta Ubilos, Juan Agirrekoa, Lardizabal, ta Iztueta... Geroz hononzko berri taldea Kontagarria ere ez da.
Zabaldu bitez librutegiak Ikusi, eta, bihotzez! Orain librurik esan Euskeraz Izkribatzen dan edo ez. Nori zor zaio aurrerapen hau? Lehenago ikus degunez... Baina libruak han egotea Azal eginak haustutzez, Ikusi eta motel-isilak Egon gindezke gu legez?
Larramendiko Manuel haundi Euskerazale sutsua Gugan piztera etorri zinan Ta, iguzu, gure maisua: Sua horretan kiskal gaitean Euskarazko erreinua Haritz girizan jarri dezagun Antxinan bezelakua Danak batera gurtu dezagun Lauburuko Jaungoikua.
Larramendiko Aita Manuel Jakin ta Euskarazalia Zala oihuka dagozka lanak; Guztierakoa ordia?... Dudarik ere ipin ledike Erregin zuzendaria Salamankako maisu iraunda Lagunkidan egotia. Hala ez bazan? Ezin zediken: Haundia izan zan, haundia.
Merezi ditu beraz harrizko Har-tailu eder lirainak; Merezi ditu zilarrezkoak, Urrez ta har-finez eginak, Merezi ditu, zer ez merezi? Andoain-seme bikainak? Herri bakotxak berea altxa Ezin badio, ahaleginak Egin ditzala betetzen honen Gogo berdindu ezinak.
Zori oneko Aita Manuel Gizon Erromar goiena, Euskalen poza, Espainiaren Argigarri eta omena, Leizaurreko goizalde-izar, Jesustar leial zuzena, Euskal-erosle ezin esana Gur bedi zure izena Geren etxetik hasi eta atzerri Guzti-guztiak barrena.
Andoain maite oso poztua, Erroren anai kutuna, Ekusten dezu zeinen alaia Dan Eguerri eguna Zuganaturik euskal semeak Aurten ospatzen deguna? Orain bagoaz ostera etxera, Gure artean, O, Jauna! Bizi dedila beti Euskera, Bai eta bere Erostuna.
LARRAMENDIKO MANUEL EUSKARA-EROSLEA |